სამშენებლო პროცესების მართვა
პროექტის სრული საოპერაციო მართვა ESB-ის ექსპერტთა გუნდის მიერ, საერთაშორისო საუკეთესო პრაქტიკისა და 15-წლიანი ინდუსტრიული გამოცდილების გამოყენებით.
DWG. 01
სერვისები
ინტეგრირებული პროექტ-მენეჯმენტი
დამკვეთის ინტერესების სრული წარმომადგენლობა, გენერალური კონტრაქტორებისა და პარტნიორების შერჩევა, პროცესების სტრატეგიული დაგეგმვა, კოორდინაცია და კონტროლი.
მშენებლობის მრავალმხრივი ზედამხედველობა
სამშენებლო მოედანზე მიმდინარე ყველა დისციპლინის სამუშაოების ყოველდღიური მონიტორინგი, გრაფიკისა და უსაფრთხოების სტანდარტების დაცვის მიზნით.
არქიტექტურული და საპროექტო მენეჯმენტი
საპროექტო ჯგუფების მუშაობის სინქრონიზაცია, ბიუჯეტთან შესაბამისობის კონტროლი, შეუსაბამობების პრევენცია და გეგმარებითი ხარისხის უზრუნველყოფა.
საპროექტო დოკუმენტაციის რევიზია (აუდიტი)
ტექნიკური დოკუმენტების და გეგმების სიღრმისეული ანალიზი, საინჟინრო შეცდომების თავიდან ასაცილებლად უშუალოდ მშენებლობის დაწყებამდე.
სატენდერო პროცედურების ორგანიზება
სატენდერო პაკეტების ფორმირება, კანდიდატების პრე-კვალიფიკაცია და საუკეთესო კონტრაქტორების გამოვლენა გამჭვირვალე და ობიექტური კონკურენციის გზით.
საინჟინრო ხარჯთაღრიცხვა (ლოგისტიკა)
მასალების, მუშახელისა და მექანიზაციის ოპტიმალური მოცულობების ზუსტი კალკულაცია, რაც ასახავს პროექტის რეალურ მოთხოვნებს.
სტრატეგიული ბიუჯეტირება
პროექტის გამართული ფინანსური მოდელის შექმნა და კაპიტალის განაწილების დინამიური გეგმის ფორმირება მთელი საპროექტო ციკლისთვის.
ხარისხის ტექნიკური კონტროლი (QA/QC)
ობიექტზე გამოყენებული მასალებისა და შესრულებული სამუშაოების შესაბამისობის მკაცრი კონტროლი საერთაშორისო და ადგილობრივ სტანდარტებთან.
ფინანსური ოპტიმიზაცია (Value Engineering)
ალტერნატიული საინჟინრო გადაწყვეტებისა და სამშენებლო მეთოდების ანალიზი ხარჯების მაქსიმალური დაზოგვისთვის, ხარისხის დაკარგვის გარეშე.
HSE / შრომის უსაფრთხოების მონიტორინგი
სამშენებლო მოედანზე უსაფრთხოების ნორმების დანერგვა, რეგულაციების კონტროლი, პერსონალის ჯანმრთელობის დაცვა და ინციდენტების პრევენცია.
რისკების პროაქტიული მართვა
ფინანსური, გარემოსდაცვითი, სოციალური, ეკონომიკური და ტექნიკური საფრთხეების იდენტიფიცირება და კრიზისული გეგმების მომზადება.
ცენტრალიზებული დოკუმენტბრუნვა
საპროექტო, იურიდიული, სპეციფიკაციებისა და ხელშეკრულებების დოკუმენტაციის სისტემატიზაცია, დაარქივება და სრული გამჭვირვალობის უზრუნველყოფა დამკვეთისთვის.
დინამიური გეგმა-გრაფიკის კონტროლი
დროითი და ადამიანური რესურსების ოპტიმალური მართვა და კალენდარული გრაფიკის მუდმივი მონიტორინგი ვადების გადაცდენის გამოსარიცხად.
სახელშეკრულებო სამართალი და მენეჯმენტი
კონტრაქტების სამართლებრივი მომზადება სხვადასხვა ეტაპზე, მათი ადმინისტრირება და მხარეთა მიერ ვალდებულებების შესრულების მკაცრი კონტროლი.
საბანკო და საინვესტიციო სესხების მონიტორინგი
ფინანსური ინსტიტუტებისთვის (ბანკები, ფონდები) მშენებლობის პროგრესისა და კაპიტალის მიზნობრივი ხარჯვის დამოუკიდებელი, მიუკერძოებელი შეფასება.
ტექნიკურ-ეკონომიკური დასაბუთება (Feasibility Study)
ბაზრის, სპეციფიკური ლოკაციის, რესურსებისა და ფინანსური მომგებიანობის წინასწარი კვლევა პროექტის დაწყების მიზანშეწონილობის დასადგენად.
სამშენებლო პროექტების კომპლექსური ანალიზი
ობიექტის მრავალმხრივი შესწავლა, სახელმწიფო რეგულაციებთან თავსებადობის, ფინანსური, სამართლებრივი და სხვა კრიტიკული რისკების შეფასება.
პოსტ-სამშენებლო მხარდაჭერა და კომპანიის სრული აუდიტი
დეფექტების შეტყობინების პერიოდის მართვა, საოპერაციო, ფინანსური და გაყიდვების სისტემების გენერალური აუდიტი და ბიზნეს-პროცესების ოპტიმიზაცია.
საზომი და გეგმარებითი სამუშაოები
მიწის ნაკვეთის ტოპო-გეოდეზიური გადაღება, არსებული შენობა-ნაგებობების ზუსტი აზომვითი ნახაზების მომზადება (2D/3D) და წითელი ხაზების სამართლებრივ-ტექნიკური კორექტირება მშენებლობის ნებართვის მისაღებად.
არქიტექტურულ-საინჟინრო დაპროექტება
სრული არქიტექტურული პროექტის მომზადება (გენგეგმა, სართულების გეგმები, ფასადები, ჭრილები — მერიაში შესათანხმებელი მუშა პროექტის სტადია), კონსტრუქციული გაანგარიშება (საძირკველი, კოლონები, არმირების ნახაზები), ინტერიერის დიზაინი 3D ვიზუალიზაციითა და საინჟინრო ქსელების (HVAC, ელექტროობა, წყალგაყვანილობა) სრული პროექტირება.
საანგარიშო და საგეგმო დოკუმენტაცია
სამუშაო მოცულობების უწყისის (BOQ) და დეტალური ხარჯთაღრიცხვის მომზადება საბაზრო ფასებზე დაყრდნობით, მშენებლობის კალენდარული გრაფიკის (Gantt Chart) და მასალა-კონტრაქტორების შესყიდვების გრაფიკის შედგენა სამუშაოების უწყვეტობისთვის.
სამუშაოების ორგანიზება და ხარისხის მართვა
რთული სამუშაოების (მაგ. ფუნდამენტის ჩასხმა, ჰიდროიზოლაცია, ფასადის სისტემები) დეტალური შესრულების მეთოდოლოგიის (Method Statement) და ხარისხის სტანდარტების, მასალის პარამეტრებისა და მიღება-ჩაბარების კრიტერიუმების ტექნიკური გაიდლაინის მომზადება კონტრაქტორებისა და ზედამხედველობისთვის.